Bakıda ağır qəza: 1 ölü, 5 yaralı

Bakının Xətai rayonu ərazisində ağır yol nəqliyyat hadisəsi baş verib.

Teleqraf.com xəbər verir ki, Bakı şəhər sakini Emin Mürsəlov “Mercedes” markalı avtomobili idarə edərkən idarəetməni itirdiyindən dayanacaqda dayanmış paytaxt sakinləri Günay Hüseynovanı, Çingiz Abdullayevi və Sara Salahlını vurmuş, sonradan avtomobil divara çırpılıb.

Nəticədə sürücü hadisə yerində ölüb, G.Hüseynova, Ç.Abdullayev, S.Salahlı, habelə E.Mürsəlovun 2 sərnişini xəstəxananaya yerləşdirilib.

Faktla bağlı Xətai rayon Polis İdarəsi tərəfindən araşdırma aparılır.

Hacı Zeynalov