Yasamalda 4 otaqlı evdə yanğın

Yasamal rayonunda vətəndaşa məxsus evdə yanğın olub.

Teleqraf.com Fövqəladə Hallar Nazirliyinin (FHN) saytına istinadən xəbər verir ki, Bakı şəhəri, Yasamal rayonunda vətəndaşa məxsus ikimərtəbəli ümumi sahəsi 80 kv.m olan 4 otaqlı yaşayış evinin yanar konstruksiyaları yanıb.

Qonşu mənzillər yanğından mühafizə olunub.

Yanğın saat 03:35-də yanğınsöndürənlər tərəfindən söndürülüb.