Qaradağda 2 nəfər bıçaqlandı

Bakının Qaradağ rayonunda iki nəfər arasında mübahisə bıçaqlanma ilə nəticələnib.

Teleqraf.com xəbər verir ki, hadisə rayonun Müşfiqabad qəsəbəsində qeydə alınıb.

Qəsəbə sakinləri Vüqar Bağırov və Ramil Mirzəyev münaqişə zəminində bir-birinə bıçaqla xəsarət yetiriblər. Onlar xəstəxanaya yerləşdiriliblər.

Vüqar Bağırovun vəziyyəti orta-ağır olduğu bildirilir. Ramil Mirzəyevə ilkin tibbi yardım göstərildikdən sonra buraxılıb.

Faktla bağlı Qaradağ rayon Polis İdarəsi tərəfindən araşdırma aparılır.

Hacı Zeynalov