Rövşən Lənkəranskinin tərəfdarı ölkədən çıxarıldı - İstanbulda təcili “sxodka”

Rövşən Lənkəranskinin qətlindən sonra onun rəhbərlik etdiyi klana qarşı müharibə elan edilib.

Lenakranxeber.info xəbər verir ki, bu günlərdə onun “xaç atası olduğu “qanuni oğru” Laşa Brateli Rusiyadan çıxarılaraq Gürcüstana göndərilib.

“Qanuni oğru” Laşa Brateli kriminal aləmdə “Çia” ləqəbi ilə tanınıb. Lakin hələlik “qanuni oğru” statusuna görə həbslərin qanuniləşdirildiyi Gürcüstanda Çia ilə bağlı həbs qərarı verilməyib və rəsmi Tbilisi “oğru”nun ölkəyə gəlişini təsdiqləməyib. Bəzi məlumatlara görə isə, Çia Rövşən Lənkəransinin qisasını almaq üçün qərarların veriləcəyi “sxodka”da iştirak etmək üçün Türkiyəyə gedib.

Xatırladaq ki, Çia Peterbuqrda öz dostu olan başqa bir “oğru”nu xilas etməyə çalışarkən saxlanılıb. Hadisə iyunda baş versə də onun deportasiyasının Rövşən Lənkəranskinin ölümündən sonraya təsadüf etdiyi deyilir. O zaman Çianın dostu Serqo Tsosxalaşvili saxlanılıb. Kriminal aləmdə Zura Kaxetines kimi tanınan bu “oğru” saxlandıqdan sonra Çia onun saxlandığı polis idarəsinə gəlib və bu zaman diqqətləri cəlb edib. Ancaq onun dostu profilaktik söhbətdən sonra azad edilsə də, Çia buraxılmayıb. Hər iki “qanuni oğru” 2014-cü ildə Türkiyədə keçirilən “sxodka”da Rövşən Lənkəranski tərəfindən “taclandırılıb”.