Avtomobillə vurulan piyada xəstəxanada öldü

Tərtər rayonunda ölümlə nəticələnən yol-nəqliyyat hadisəsi baş verib.

Teleqraf.com xəbər verir ki, hadisə rayonun Azadqaraqoyunlu kəndində qeydə alınıb.

Bərdə rayon sakini Xəyyam Abdullayev idarə etdiyi “QAZ-33021” markalı avtomobillə yolu keçən kənd sakini Qəhrəman Nəsirovu vurub.

Xəstəxanaya yerləşdirilmiş piyada orada ölüb.

Faktla bağlı Tərtər rayon polis şöbəsi tərəfindən araşdırma aparılır.

Hacı Zeynalov