3 qadın həbs edildi - Polisdən əməliyyat

Mingəçevir şəhərində oğurluq hadisəsi baş verib.

Teleqraf.com xəbər verir ki, şəhər sakini Xaləddin Həsənova məxsus evdən 4000 manat dəyərində qızıl əşyaları oğurlanıb.

Mingəçevir şəhər polis şöbəsi əməkdaşlarının həyata keçirdikləri əməliyyat-axtarış tədbirləri nəticəsində cinayəti törətməkdə şübhəli bilinən Yevlax rayon sakini Zarina Kərimova tutulub.

Bundan başqa, Sumqayıt şəhər Polis İdarəsi əməkdaşlarının həyata keçirdikləri əməliyyat-axtarış tədbirləri nəticəsində iyulun 4-də şəhər sakini Aişə Məmmədliyə məxsus mağazadan qızıl boyunbağı oğurlamaqda şübhəli bilinən İmişli rayon sakini, əvvəllər məhkum olunmuş Südabə Şükürova tutulub.

Daha bir qadın isə Bakının Nizami rayonunda oğurluq edib. Nizami rayon Polis İdarəsinin 23-cü polis bölməsi əməkdaşlarının həyata keçirdikləri əməliyyat-axtarış tədbirləri nəticəsində avqustun 26-da Bakı şəhər sakini Vüsalə Rzazadəyə məxsus evdən 55 manat pul və 800 manat dəyərində qızıl əşyalar oğurlamaqda şübhəli bilinən həmyerlisi Minarə Məmmədova saxlanılıb.

Hacı Zeynalov