Aygün Bəylərin qohumunun dəhşətli qətli – qatillər 3 ildən sonra yaxalandı - TƏFƏRRÜAT

Bakının Xəzər rayonun baş verən dəhşətli qətlin üstü açılıb.

Teleqraf.com xəbər verir ki, polis və prokurorluq orqanları tərəfindən Bakı şəhər sakini Elnur Hümmətovun 2013-cü il iyunun 16-da itkin düşməsi ilə bağlı axtarışlar nəticə verib.

Əməliyyat-axtarış tədbirləri ilə onun 2013-cü ilin may ayında qətlə yetirilməsi müəyyən edilib.

Elnur Hümmətovu Xəzər rayonunun Qala kəndi ərazisində boğmaqla qətlə yetiriblər. Onu qətlə yetirən həmyerliləri Fuad Məmmədzadə, Elmir Alxazov, Abbas Hümmətov, Ramil Əsirov və qardaşı Elnur həbs edilib.

Elnur Hümmətovun meyiti eksqumasiya edilib.

Qeyd edək ki, Elnur Hümmətov əməkdar artist Aygün Bəylərin əmisi nəvəsidir. Elnur Hümmətov 2013-cü ilin mayın 21-də evdən çıxıb və geri qayıtmayıb.

Hacı Zeynalov