Bakıda əməliyyat: silahlı şəxslər tutuldu

Bakının Xətai rayonunda xüsusi əməliyyat keçirilib.

Teleqraf.com xəbər verir ki, Xətai rayon Polis İdarəsi əməkdaşlarının həyata keçirdikləri əməliyyat-axtarış tədbirləri nəticəsində avqustun 29-da Xaçmaz rayon sakini İdris Ramazanova məxsus “Mercedes” markalı avtomobilə baxış keçirilib.

Baxış zamanı “Makarov” markalı tapança, patron darağı və 7 ədəd patron aşkar edilərək götürülüb.
İdris Ramazanov və sərnişinləri Şamaxı rayon sakinləri Kənanbəy Zülfüqarov, Mətləb Şıxəliyev və Lənkaran rayon sakini Tural Məhərrəmov saxlanılaraq polis idarəsinə gətirilib.

Araşdırma zamanı silahın Kənanbəy Zülfüqarova məxsus olması müəyyən olunub.

Hacı Zeynalov