Sumqayıtda dəhşətli qəza: ölənlərin sayı artdı - YENİLƏNİB

Daxili İşlər Nazirliyi Sumqayıt şəhərində baş verən ağır qəza ilə bağlı açıqlama yayıb.

Nazirlikdən Teleqraf.com-a verilən məlumatda deyilir ki, H.Z.Tağıyev qəsəbəsində Abşeron rayon sakini Elyar Bayramovun idarə etdiyi “Volkswagen” və Tovuz rayon sakini Elnur Məmmədovun idarə etdiyi “VAZ-21102” markalı avtomobillər toqquşub. Nəticədə hər 2 sürücü və avtomobildə olan 4 sərnişin hadisə yerində ölüblər.

Faktla bağlı Baş İstintaq və Təhqiqat İdarəsi tərəfindən araşdırma aparılır.

***

Sumqayıt şəhərində ağır yol-nəqliyyat hadisəsi baş verib.

Teleqraf.com xəbər verir ki, hadisə Bakı-Quba-Rusiya sərhədi avtomobil yolunun 43-cü kilometrliyində, H.Z.Tağıyev qəsəbəsində baş verib.

“Volkswagen Passat” markalı avtomobil “Lada 110” markalı avtomobillə toqquşub.

Nəticədə 4 nəfər ölüb, 2 nəfər yaralanıb. Yaralılar Abşeron rayon Saray qəsəbəsi sakinləri Elçin Bayramov və onun qardaşı Əliyar xəstəxanaya yerləşdirilib. Onların vəziyyətinin ağır olduğu bildirilir.

Faktla bağlı araşdırma aparılır.

Hacı Zeynalov