Ağsu sakini Balakəndə cinayət törətdi

Balakən rayonunda evdən oğurluq edilib. Teleqraf.com xəbər verir ki, hadisə rayonun Tülü kəndində qeydə alınıb.

Kənd sakini Hümbət Dabaxovun evindən xeyli miqdarda qızıl əşyaları oğurlanıb.

Balakən rayon polis şöbəsi əməkdaşlarının həyata keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən Ağsu rayon sakini Elsevər Hüseynov tutulub.

Onun oktyabrın 24-də rayon ərazisində həmyerlisi Elxan Muradova məxsus çayxanadan pul və sənədlər oğurlaması müəyyən edilib.

Hacı Zeynalov