Hakim: “Zərərçəkmişlərlə bağlı Daxili İşlər Nazirliyinə müraciət edilib”

Bu gün Bakı Ağır Cinayətlər Məhkəməsində “Sevil Massivi” Mənzil Tikinti Kooperativinin (MTK) təsisçisi Aynur Zeynalov, kooperativin direktoru Elçin İsmayılov, həmçinin digər təqsirləndirilənlər - Zabit Çələbiyev, Mirnamat Miradiyev, Səbinə Əliyevanın cinayət işi üzrə növbəti məhkəmə prosesi davam edib.

Teleqraf.com xəbər verir ki, hakim Əfqan Hacıyevin sədrliyi ilə keçirilən prosesdə zərərçəkmiş Eyvaz Mehdiyev ifadə verib.

O bildirib ki, şirkətdən torpaq, mənzil və obyekt alıb: "33 min 100 manat ödəniş etmişəm, sonradan pulumu almışam. Şikayətim yoxdur".

Hakim deyib ki, prosesə gəlməyən zərərçəkmişlərlə bağlı Daxili İşlər Nazirliyinə edilib.

Proses noyabrın 15-də davam edəcək.

Hacı Zeynalov