Bakıda ər keçmiş həyat yoldaşını bıçaqladı

Bakının Sabunçu rayonunda bıçaqlanma hadisəsi baş verib. Teleqraf.com xəbər verir ki, hadisə rayonun Maştağa qəsəbəsində qeydə alınıb.

Qəsəbə sakini, 1981-ci il təvəllüdlü Anar Əzizov keçmiş həyat yoldaşı Gülnarə Əzizovanın yaşadığı evə gəlib. Tərəflər arasında yaranmış mübahisə davaya çevrilib.

Nəticədə Anar Əzizov Gülnarə Əzizovanı bıçaqlayıb. Yaralı təcili 3 saylı şəhər Klinik Xəstəxanasına yerləşdirilib.

Keçirilən əməliyyat-axtarış tədbirləri nəticəsində hadisəni törətməkdə şübhəli bilinən Anar Əzizov saxlanılıb.

Faktla bağlı cinayət işi başlanıb.

Hacı Zeynalov