Qohumunu bıçaqlayaraq öldürdü - Qubada

Quba rayonunda qətl hadisəsi baş verib. Teleqraf.com xəbər verir ki, hadisə rayonun Barlı kəndində qeydə alınıb.

Kənd sakini Yusif Babayev həmkəndlisi və qohumu Ramiz Məmmədovu bıçaqlayaraq öldürüb. Qətlə yetirilən Ramiz Məmmədov iki uşaq atası olduğu bildirilir.

Keçirilən əməliyyat-axtarış tədbirləri nəticəsində hadisəni törədən Yusif Babayev saxlanılıb.

Faktla bağlı Quba rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.

Hacı Zeynalov