Bıçaqlanan Göyçay sakini polisi aldatmaq istədi – CİNAYƏT

Göyçay rayonu ərazisində bıçaqlanma olub.

Teleqraf.com xəbər verir ki, rayon sakini Pərviz Əliyev kəsilmiş-deşilmiş xəsarətlə xəstəxanaya gətirilib.

O, izahatında şəhər ərazisində yıxılma nəticəsində xəsarət aldığını bildirib.

Göyçay rayon polis şöbəsində aparılan araşdırma zamanı Pərviz Əliyevin yalan məlumat verdiyi üzə çıxıb. Məlum olub ki, Pərviz Əliyevlə həmyerlisi Ruslan Xəlilov arasında münaqişə baş verib. Münaqişə zamanı Ruslan Xəlilov ona bıçaqla xəsarət yetirib.

Ruslan Xəlilov tutulub. Faktla bağlı cinayət işi başlanıb.

Hacı Zeynalov