Daha bir polis əməliyyatı Sabirabadda keçirildi: xeyli sayda silah tapıldı

Sabirabad rayonunda silah-sursat aşkar olunması ilə bağlı xüsusi əməliyyat keçirilib.

Teleqraf.com xəbər verir ki, rayonun Qaragüney kəndi ərazisində silah-sursatın olması barədə Sabirabad rayon polis şöbəsinə məlumat daxil olub.

Polis əməkdaşları tərəfindən keçirilən tədbirlər nəticəsində Qaragüney kəndi ərazisindən 1 ədəd nömrəsi silinmiş “TOZ-8” markalı tüfəng, 125 ədəd patron, 2 ədəd süngü bıçaq, 1 ədəd nömrəsi silinmiş fişəngatan tapança, 1 ədəd F1 markalı qumbara, 1 patron darağı və 1 ədəd binokl tapılıb.
Faktla bağlı araşdırma aparılır.

Hacı Zeynalov