Bakıda oğurluq edən şəxsdən odlu silah götürüldü

Bakının Binəqədi rayonunda oğurluq edən şəxs yaxalanıb.

Teleqraf.com xəbər verir ki, Binəqədi rayon Polis İdarəsinin 4-cü polis bölməsi əməkdaşlarının həyata keçirdikləri əməliyyat-axtarış tədbirləri nəticəsində paytaxt sakini, əvvəllər məhkum olunmuş Səlahətdin Əliyev tutulub.

O, yanvarın 4-də Bakı şəhər sakini Lətif İsmayılova məxsus mağazadan tütün məmulatı və ərzaq məhsulları oğurlamaqda şübhəli bilinib.

Səlahətdin Əliyevdən qundağı və lüləsi kəsilmiş “İJ-12” markalı ov tüfəngi götürülüb.

Araşdırmalarla tüfəngi ötən il dekabrın 28-də Goradil bağlar sahəsindəki evlərdən birindən oğurlaması, sonradan lüləsini və qundağını kəsməsi müəyyən edilib.

Faktla bağlı cinayət işi başlanıb.

Hacı Zeynalov