Şəmkirdə taksi sürücüsü bıçaqlandı – TƏFƏRRÜAT

Şəmkir rayonunda taksi sürücüsünə qarşı quldurluq hadisəsi baş verib. Teleqraf.com xəbər verir ki, hadisə rayonun Çinarlı qəsəbəsində qeydə alınıb.

Naməlum şəxs taksi fəaliyyəti ilə məşğul olan Gəncə şəhər sakini, 1958-ci il təvəllüdlü Namiq Babayevin idarə etdiyi “VAZ 2107” markalı avtomobilə əyləşib. O, taksi sürücüsündən Seyfəli kəndində aparmasını bildirib.

Naməlum şəxs yolda Namiq Babayevə bıçaqla xəsarət yetirib və daha sonra pulunu, telefonunu götürərək, hadisə yerindən qaçıb.

Xəsarət alan Namiq Babayev xəstəxanaya yerləşdirilib. Ona tibbi yardım göstərilib.

Polisin keçirdiyi əməliyyat zamanı Namiq Babayevə məxsus avtomobilin maşın təmiri ilə məşğul olan şəxsə satıldığı müəyyən olunub.

Faktla bağlı cinayət işi başlanıb.

Hacı Zeynalov