Bakıda 54 yaşlı qadını qardaşı oğlu bıçaqladı

Bakının Nəsimi rayonunda bıçaqlanma hadisəsi baş verib.

Teleqraf.com xəbər verir ki, hadisə Əlövsət Quliyev küçəsində qeydə alınıb.

Bakı sakini Ramal Rzayev 54 yaşlı bibisi Səltənət Rzayeva ilə ailə münaqişəsi zəminində mübahisə edib. Mübahisə zamanı Ramal Rzayev bibisinə bir neçə bıçaq zərbəsi vurub.

Cinayəti törədən Ramal Rzayev daha sonra hadisə yerini tərk edib.

Yaralı Səltənət Rzayeva xəstəxanaya yerləşdirilib. Vaxtında tibbi yardım göstərildiyi üçün onun həyatını xilas etmək mümkün olub. Nəsimi rayon Polis İdarəsinin 22-ci polis bölməsi əməkdaşlarının əməliyyatı nəticəsində Ramal Rzayev həbs edilib.

Faktla bağlı Cinayət Məcəlləsinin 126.1-ci (sağlamlığa xəsarət yetirmə) maddəsi ilə cinayət işi başlanıb.

Hacı Zeynalov