Çoban özünü güllələdi

Ağcabədi rayonunda çoban faciəvi hadisənin qurbanı olub.

Teleqraf.com xəbər verir ki, hadisə rayonun Taxtakörpü adlanan ərazisindəki fermada qeydə alınıb.

Həmin fermada işləyən Bərdə rayon sakini Zahid Əliyev ov tüfəngi ilə ehtiyatsız davrandığından açdığı atəşdən başından xəsarət alıb və hadisə yerində ölüb.

Rayon polis şöbəsinin əməkdaşları hadisə yerindən “TOZ-16” markalı tüfəng götürüblər.

Zahid Əliyevin Laçın rayonundan məcburi köçkün düşdüyü bildirilir.

Faktla bağlı araşdırma aparılır.

Hacı Zeynalov