Siyəzən sakini kafedə bıçaqlandı

Siyəzən rayonunda bıçaqlanma hadisəsi baş verib.

Teleqraf.com xəbər verir ki, hadisə rayonun mərkəzində, kafelərdən birində qeydə alınıb.

Rayon sakini Anar Hüseynov münaqişə zəminində həmyerlisi Ramil Məmmədlini bıçıqlayıb. Yaralı xəstəxanaya yerləşdirilib, ona tibbi yardım göstərilib.

Siyəzən rayon polis şöbəsi əməkdaşlarının həyata keçirdikləri əməliyyat-axtarış tədbirləri nəticəsində Anar Hüseynov tutulub.

Hacı Zeynalov