Binəqədidə oğurluq edən “zek” tutuldu

Bakının Binəqədi rayonunda mağazanı qarət edən şəxs həbs edilib. Teleqraf.com xəbər verir ki, oğurluq hadisəsi rayonun Çiçək qəsəbəsində qeydə alınıb.

Binəqədi rayon Polis İdarəsinin 40-cı polis bölməsi əməkdaşlarının keçirdikləri əməliyyat-axtarış tədbirləri nəticəsində Çiçək qəsəbəsi ərazisindəki mağazalardan birindən oğurluğa cəhd göstərməkdə şübhəli bilinən Bakı şəhər sakini Elxan Məmmədov tutulub.

Elxan Məmmədovun əvvəllər məhkum olunduğu bildirilir.

Onun Abşeron rayonunun Hökməli qəsəbəsində 1 evdən təmir-tikinti alətləri və 200 metr elektrik kabeli oğurlaması da müəyyən edilib.

Faktla bağlı cinayət işi başlanıb.

Hacı Zeynalov