7 Fevral 2017 16:21
503

Bakının Sabunçu rayonunda soyğunçuluq hadisəsi baş verib.

Teleqraf.com xəbər verir ki, Bakıxanov qəsəbəsində 3 nəfər naməlum şəxs Bakı şəhər sakini Fərid Zeynalova zor tətbiq edərək, onun 55 manatını alıb.

Fərid Zeynalov soyğunçuluqla üzləşməsi barədə Sabunçu rayon Polis İdarəsinin 13-cü polis bölməsinə müraciət edib.

Polis əməkdaşlarının əməliyyat-axtarış tədbirləri nəticəsində Yardımlı rayon sakini Vüsal Şahbazov, Masallı rayon sakini Yaşar Heydərov və Laçın rayon sakini Nağı Hümbətzadə tutulublar. Saxlanılan şəxslər paytaxtda ayrı-ayrı ünvanlarda tikintilərdə fəhləlik ediblər və həmin vaxtdan biri-birləri ilə tanış olublar.

Faktla bağlı cinayət işi başlanıb.

Hacı Zeynalov


Müəllif: