Salyan sakini bibisi oğlu tərəfindən bıçaqlandı

Salyan rayonunda bıçaqlanma hadisəsi baş verib. Teleqraf.com xəbər verir ki, hadisə rayonun Yenikənd kəndində qeydə alınıb.

Kənd sakini, 1995-ci il təvəllüdlü Bayram Şikarov bıçaqlanıb. O, bıçaq xəsarəti ilə xəstəxanaya yerləşdirilib. Vaxtında tibbi yardım göstərildiyi üçün onun həyatını xilas etmək mümkün olub.

Həkim nəzarəti altında saxlanılan Bayram Şikarovun vəziyyətinin ağır olduğu bildirilir.

İlkin məlumata görə, Bayram Bayram Şikarov bibisi oğlu tərəfindən bıçaqlanıb.

Faktla bağlı Salyan rayon polis şöbəsində Cinayət Məcəlləsinin 126.1-ci (sağlamlığa ağır xəsarət yetirmə) maddəsi ilə cinayət işi başlanıb.

Hacı Zeynalov