Gəncədə 28 yaşlı oğlan bıçaqlandı

Gəncə şəhərində bıçaqlanma hadisəsi baş verib. Teleqraf.com xəbər verir ki, hadisə şəhərin 38-ci hərbi şəhərciyində qeydə alınıb.

Gəncə şəhər sakini, 1989-cu il təvəllüdlü Ramil İsmayılov naməlum şəraitdə bıçaqlanıb. O, ağır vəziyyətdə xəstəxanaya yerləşdirilib.

Vaxtında tibbi yardım göstərildiyi üçün Ramil İsmayılovun həyatını xilas etmək mümkün olub. Onun vəziyyətinin ağır olduğu bildirilir.

Ramil İsmayılovun kimin tərəfindən və hansı səbəbdən bıçaqlandığı məlum deyil.

Faktla bağlı Gəncə şəhər Baş Polis İdarəsində araşdırma aparılır.

Hacı Zeynalov