Bakıda dəhşətli qətl: 25 yaşlı gənc “Məkan”da öldürüldü

Bakının Səbail rayonunda qətl hadisəsi baş verib.

Teleqraf.com xəbər verir ki, hadisə rayonun Salyan yolu, 40 ünvanında qeydə alənıb.

Həmin yerdə olan “Məkan” kafesində Şamaxı rayon sakini, 1992-ci il təvəllüdlü Ceyhun Qurbanov naməlum şəxs tərəfindən bıçaqlanıb.

Ürək nahiyəsindən xəsarət alan gənc xəstəxanaya yerləşdirilsə də, onun həyatını xilas etmək mümkün olmayıb. O xəstəxanada ölüb.

Gənci bıçaqlayaraq öldürən şəxsin həbs edilməsi istiqamətində əməliyyat tədbirləri görülür.

Faktla bağlı cinayət işi başlanıb.

Hacı Zeynalov