Narkotik istifadəçisi at oğrusu çıxdı - Unikal əməliyyat

Quba rayonunda oğurluqla məşğul olan şəxslər həbs edilib.

Teleqraf.com xəbər verir ki, Quba rayon polis şöbəsi əməkdaşları Xalid Əmirəliyevi narkotiklə həbs edilib.

Onun ətrafında aparılan əməliyyat nəticəsində oğurluq cinayətləri törətdiyi məlum olub. O, fevralın 25-də Qaraçay kənd sakini, əvvəllər məhkum olunmuş Söhrab Baratovla birgə Həsrət Sərdarova məxsus fermadan at oğurlayıb.

Görülmüş tədbirlər nəticəsində Söhrab Baratov da tutulub. Söhrab Baratovun fevralın 27-də Qəçrəş kənd sakini Kamil Ədilovla birgə Saatmirzə Mirzəyevə məxsus fermadan 2 baş at oğurlaması da müəyyən edilib.

Polis əməkdaşları tərəfindən Kamal Ədilov da tutulub. Faktla bağlı cinayət işi başlanıb.

Hacı Zeynalov