Tovuzda ağır qəza: 1 ölü, 2 yaralı

Tovuz rayonunda ağır yol-nəqliyyat hadisəsi baş verib.

Teleqraf.com xəbər verir ki, hadisə rayonun Aşağı Quşçu kəndində qeydə alınıb. Kənd sakini Ramin Həsənlinin idarə etdiyi “VAZ-2107” və Sumqayıt şəhər sakini Ceyhun Abdurrəhmanovun idarə etdiyi “BMW” markalı avtomobillər toqquşub.

Nəticədə hər iki sürücü xəstəxanaya yerləşdirilib, Ramin Həsənlinin sərnişini, həmkəndlisi Samir Nuriyev isə xəstəxanaya aparılarkən yolda ölüb.

Faktla bağlı Tovuz rayon polis şöbəsi tərəfindən araşdırma aparılır.

Hacı Zeynalov