Bakıda bağ evlərini talayan həbs edildi

Bakının Sabunçu rayonunda oğurluq hadisəsi baş verib. Teleqraf.com xəbər verir ki, hadisə Ləhiş bağlarında qeydə alınıb.

Ləhiş bağlarındakı 2 evdən 9 ədəd istilik radiatoru və qaynaq aparatı, məişət əşyaları oğurlaması barədə Sabunçu rayon Polis İdarəsinin 42-ci polis bölməsinə məlumat daxil olub.

Keçirilən əməliyyat tədbirləri nəticəsində cinayəti törətməkdə şübhəli bilinən Namiq Ağayev tutulub.

Onun daha 1 evdən isə oğurluğa cəhd göstərməsi müəyyən edilib.

Hacı Zeynalov