Bakının Yasamal rayonu ərazisində qadının evindən oğurluq edən mütəşəkkil dəstənin daha bir üzvü həbs edilib.
Bu barədə Teleqraf.com-a Yasamal rayon Polis İdarəsindən məlumat verilib.
Məlumata görə, polis əməkdaşlarının keçirdikləri əməliyyat-axtarış tədbirləri nəticəsində mayın 29-da Nəzakət Nəsibovanın mənzilindən oğurluq edən mütəşəkkil dəstənin daha bir üzvü həbs edilib.
Saxlanılan Abşeron rayon sakini İdris Abdullayevdir.
Qeyd edək ki, mayın 29-da M.Seyidov küçəsində yaşayan Nəzakət Nəsibovanın mənzilindən, qapının kilidini sındırmaqla qızıl-zinət əşyaları oğurlanıb. Daxili İşlər Nazirliyinin Baş Cinayət Axtarış İdarəsi, Yasamal rayon Polis İdarəsinin Cinayət Axtarış Şöbəsi, 28-ci polis bölməsi və Nərimanov rayon Polis İdarəsinin 16-cı polis bölməsi əməkdaşlarının keçirdikləri əməliyyat tədbirləri nəticəsində oğurluqda şübhəli bilinən Babək rayon sakinləri, 1963-cü il təvəllüdlü Fikrət Əliyev və 1985-ci il təvəllüdlü Əli Əliyev tutulub.
Faktla bağlı cinayət işi başlanıb.
Hacı Zeynalov