Qusarda oğurluq edən dəstə zərərsizləşdirildi

Qusar rayonunda oğurluq etməkdə şübhəli bilinən şəxslər saxlanılıb.

Teleqraf.com xəbər verir ki, Qusar rayon polis şöbəsi əməkdaşlarının keçirdikləri əməliyyat-axtarış tədbirləri nəticəsində martın 20-də Azad Əliyarovun "QAZ-3110" markalı avtomobilini qaçırmaqda şübhəli bilinən Qayakənd kənd sakinləri Vüqar İbrahimov və Tural Cavadov tutulublar.

Onların mart ayının 15-dən 19-dək olan müddətdə rayon ərazisində 2 evdən məişət əşyaları, 1 mağazadan tütün məmulatı oğurlamaları, habelə martın 16-da digər həmyerlisi ilə birgə Güdəzeyxur kənd sakini Habil Cəbrayılovun "QAZel" markalı avtomobilini qaçırmaları da müəyyən edilib.
Əməliyyat-axtarış tədbirləri davam etdirilir.

Hacı Zeynalov