İki rayonunda əməliyyat: 3 kiloqramdan çox narkotik aşkarlandı

Neftçala rayonunda narkotiklərlə bağlı əməliyyat keçirilib.

Teleqraf.com xəbər verir ki, Neftçala rayon polis şöbəsi əməkdaşlarının əməliyyat tədbirləri nəticəsində Birinci Qaralı kənd sakini, əvvəllər məhkum olunmuş Nizami Dədənovun evinə baxış zamanı 2 kiloqram 500 qram marixuana, 500 ədəd çətənə toxumu və 187 ədəd kibrit qutusu, habelə müvafiq sənədləri olmayan 2 ədəd ov tüfəngi aşkar edilərək götürülüb.

Daha bir əməliyyat İmişli rayonunda qeydə alınıb. İmişli rayon polis şöbəsinin əməliyyat tədbirləri nəticəsində şəhər sakini Sabit Təmrəzovdan 1 kiloqram 66,01 qram marixuana götürülüb.

Hacı Zeynalov