Oğurluğa “Wolksvagen” avtomobili ilə getdi

Bakının Xətai rayonunda soyğunçuluq hadisəsi baş verib.

Teleqraf.com xəbər verir ki, hadisə rayonun Ş.Mirzəyev küçəsində yerləşən mağazada qeydə alınıb.

Bakı şəhər sakini Rüstəm Namazova məxsus mağazaya gələn naməlum şəxs oradan 180 manat pul götürüb və “Wolksvagen” markalı avtomobildə hadisə yerini tərk edib.

Xətai rayon Polis İdarəsinin 37-ci polis bölməsi və Əlahiddə Çevik Polis Alayının əməkdaşları tərəfindən keçirilən əməliyyat tədbirləri nəticəsində həmin avtomobil saxlanılıb.

Avtomobili idarə edən paytaxt sakini İlkin Rzayev və sərnişini Fuad Abdullayev tutulublar.

Faktla əlaqədar cinayət işi başlanılıb.

Hacı Zeynalov