Gəncədə 13 avtomobildən oğurluq edən şəxslər tutuldu

Gəncə şəhərində avtomobillərdən oğurluq edən şəxslər yaxalanıb. Teleqraf.com xəbər verir ki, şəhər ərazisində avtomobillərin qarət edilməsi ilə bağlı polisə məlumat daxil olub.

Məlumata görə, polis əməkdaşlarının keçirdikləri əməliyyat-axtarış tədbirləri nəticəsində şəhər sakinləri Vüqar Hamzəyev və İlkin Bünyadov tutulublar.

Onlar yanvarın 2-dən martın 10-dək olan müddətdə Gəncə şəhəri ərazisində 13 avtomobildən pul, maqnitafon və akkumulyator oğurlamaqda şübhəli biliniblər.

Vüqar Hamzəyevin əvvəllər məhkum olunduğu bildirilir.

Faktla bağlı cinayət işi başlanıb.

Hacı Zeynalov