Şüvəlanda 18 yaşlı oğlan bıçaqlandı

Bakının Xəzər rayonunda bıçaqlanma baş verib.

Teleqraf.com xəbər verir ki, hadisə Şüvəlan qəsəbəsində qeydə alınıb.

1999-cu il təvəllüdlü Qorxmaz Hüseynov naməlum şəxs tərəfindən bıçaqlanıb. O, bıçaq xəsarəti ilə xəstəxanaya yerləşdirlib. Vaxtında tibbi yardım göstərildiyi üçün həyatını xilas etmək mümkün olub.

Qorxmaz Hüseynovun kim tərəfindən və hansı səbəbdən bıçaqlandığı məlum deyil.

Hadisə ilə bağlı Xəzər rayon Polis İdarəsinin 1-ci polis bölməsinə məlumat verilib. Polis əməkdaşları cinayəti törədən şəxsin müəyyən edilərək həbs edilməsi istiqamətində tədbirlər görür.

Faktla bağlı Cinayət Məcəlləsinin 126.1-ci (sağlamlığa ağır xəsarət yetirmə) maddəsi ilə cinayət işi başlanıb.

Hacı Zeynalov