İki jurnalistlə bağlı məhkəmə qərarı - Nardaran işi

Bu gün Bakı Ağır Cinayətlər Məhkəməsində 2015-ci ilin oktyabr-noyabr aylarında Nardaran hadisələri ilə bağlı saxlanılan “Müsəlman Birliyi Hərəkatı” adlı təşkilatın üzvü Zülfüqar Mikayılov, Elman Ağayev, Faiq Allahverdiyev, Əli Hüseynov, Mehman Quliyev, Mehman Məmmədov, Eldar Bünyadov, Elxan Həsənov, Ramil Seyfullayev, Mübariz İbrahimov, Ruzi İsmayılov və Cabir Əliyevin cinayət işi üzrə məhkəmə prosesi keçirilib.

Teleqraf.com xəbər verir ki, hakim Zeynal Ağayevin sədrlik etdiyi prosesdə Daxili İşlər Nazirliyi Baş Mütəşəkkil Cinayətkarlıqla Mübarizə İdarəsinin əməkdaşı Elman Ağayev ifadə verib.

Hakim "Vetenugrunda.az" saytının baş redaktori Rövşən Əhmədli və saytın müxbiri Arzu Abdullanın zaldan çıxarılmasını tələb edib.

Bu zaman təqsirləndirilən şəxslər etiraz ediblər. Hakim hər iki jurnalisti zaldan çıxarıb və Rövşən Əhmədlinin barəsində tədbir görülməsi üçün xüsusi qərardad çıxarıb. Qərardad icra edilməsi üçün Mətbuat Şurasına göndəriləcəyi bildirilib.

Hər iki jurnlaistin zaldan çıxarılmasına təqsirləndirilən şəxslər etiraz ediblər, əks halda prosesin təxirə salınmasını istəyiblər.

Hakim prosesi mayın 8-ə qədər təxirə salıb.

Hacı Zeynalov