Yeniyetmələr evdən qızıl oğurladılar

Abşeron rayonunda oğurluq hadisəsi baş verib.

Teleqraf.com xəbər verir ki, hadisə Masazır qəsəbəsində qeydə alınıb.

Mayın 2-də Masazır qəsəbəsindəki evlərdən birindən 5000 manat dəyərində qızıl əşyalar oğurlanması barədə Abşeron rayon Polis İdarəsinə məlumat daxil olub.

Polis əməkdaşlarının əməliyyatı nəticəsində cinayəti törətməkdə şübhəli bilinən qəsəbə sakinləri olan 2 yeniyetmə saxlanılıblar.

Faktla bağlı cinayət işi başlanıb.

Hacı Zeynalov