Üç rayonda "Xaş-xaş 2017" əməliyyatı: 4 ton narkotik

Respublikanın bir neçə rayonunda polis tərəfindən "Xaş-xaş 2017" şərti adlı xüsusi əməliyyat keçirilib.

Teleqraf.com xəbər verir ki, əməliyyatlardan birini Astara rayon polis şöbəsinin əməkdaşları keçirib. Polis əməkdaşlarının keçirdikləri tədbirlərlə rayon sakini Gülü Şiriyevaya məxsus həyətyanı sahədən kultivasiya yolu ilə yetişdirilən 25 ədəd xaş-xaş kolları aşkar edilərək götürülüb.

Oxşar əməliyyatı Şəmkir rayon polis şöbəsinin əməkdaşları da keçirib. Əməliyyat tədbirləri ilə Könüllü kənd sakini Abil Abbasova məxsus həyətyanı sahədən kultivasiya yolu ilə yetişdirilən 81 ədəd çətənə kolu aşkar edilib. Daha bir əməliyyatı Qax rayon polis şöbəsinin əməkdaşları keçirib. Rayonun Fıstıqlı kəndi ərazisində yabanı halda bitmiş, ümumi çəkisi 3 ton 221 kiloqram olan 8750 ədəd çətənə kolu aşkar edilərək məhv edilib.