Teleqraf.com xəbər verir ki, bu gün Bakı Ağır Cinayətlər Məhkəməsində hakim Rahib Salmanovun sədrliyi ilə baş tutan prosesdə prokuror ittiham aktını elan edib.
İttihama görə, Eldar Salmanov Zaminbank ASC-də xəzinədar vəzifəsində işləyib. O, vətəndaşları ucuz qiymətə dollar satmaq adı ilə aldadaraq dələduzluq əməli törədib. Eldar Salmanov vəzifəsindən azad edildikdən sonra da bir neçə şəxsə qarşı dələduzluq edib.
Eldar Salmanov elan olunmuş ittiham üzrə özünü təqsirli bilməyib. O, həmin pulları borc adı ilə aldığını deyib.
Növbəti proses iyulun 6-da davam edəcək.