Teleqraf.com xəbər verir ki, Nəsimi rayon Polis İdarəsi əməkdaşlarının əməliyyatı nəticəsində oğurluqda şübhəli bilinən Əli Əliyev yaxalanıb.
Onun mayın 22-dən iyunun 10-dək olan müddətdə 3 nəfərə məxsus bankomat kartlarından internet vasitəsi ilə ümumilikdə 574 manat pul çıxararaq oğurladığı müəyyən edilib.
Xatırladaq ki, cari ilin may ayının 11-də Bakı şəhər sakini Qızqayıt Abbasova Nəsimi rayon Polis İdarəsinin 22-ci polis bölməsinə müraciət edərək “Kapital Bank”dakı hesabından 207 manat pulunun yoxa çıxmasını bildirib.
Dövlət Təhlükəsizliyi Xidməti və Nəsimi Rayon Polis İdarəsi əməkdaşlarının birgə həyata keçirdikləri əməliyyat-axtarış tədbirləri ilə Qızqayıt Abbasovanın pulunun Qazax rayon sakini Əli Əliyev tərəfindən internet vasitəsi ilə çıxarılması müəyyən edilib və o, iyunun 12-də Nəsimi rayonu ərazisində tutularaq istintaqa təhvil verilib.