Qadınların qənimi olan qadın... - Axır ki ələ keçdi

Bakının Nəsimi rayonu ərazisində oğurluq hadisəsi baş verib.

Teleqraf.com xəbər verir ki, iyunun 15-də və 28-də əcnəbi vətəndaşın cibindən 180 ABŞ dolları, Bakı şəhər sakini olan bir qadının çantasından isə 800 manat və 400 ABŞ dolları pul oğurlanması barədə 2-ci polis bölməsinə məlumat daxil olub.

Polis əməkdaşlarının keçirdikləri əməliyyat-axtarış tədbirləri nəticəsində oğurluğu törətməkdə şübhəli bilinən Gülnarə Novruzova Şirvan şəhəri ərazisində tutulub.

Onun cari ilin mart ayından iyun ayınadək olan müddətdə Nərimanov rayonu ərazisində Bakı şəhər sakinləri olan 4 qadının çantalarından pul, mobil telefon və sənəd oğurlaması da müəyyən edilib.