Xaçmazda kütləvi dava: 1 ölü, 1 yaralı

Xaçmaz rayonunda qətl hadisəsi törədilib.

Teleqraf.com xəbər verir ki, rayonun Qusarçay kəndində bir neçə nəfər arasında yaranan mübahisə kütləvi dava ilə nəticələnib.

Dava zamanı kənd sakini, 1978-ci il təvəllüdlü Məhərrəm Hacıyev və 1976-cı il təvəllüdlü Məzahir Mustafayev bıçaqlanıb.

Məhərrəm Hacıyev hadisə yerində ölüb, Məzahir Mustafayev isə xəstəxanaya yerləşdirilib. Ona tibbi yardım göstərilib, vəziyyətinin ağır olduğu bildirilir.

Faktla bağlı cinayət işi başlanıb.