Erməni Bakıda məhkəmə qarşısında

Narkotik vasitələrin qanunsuz dövriyyəsində təqsirləndirilən erməni əsilli Marat Ueldanovun barəsindəki hökmdən apelyasiya şikayəti verilib.

Bakı Apelyasiya Məhkəməsindən Teleqraf.com-a verilən məlumata görə, Marat Ueldanovun apelyasiya şikayəti araşdırılması üçün hakim Əflatun Qasımovun icraatına verilib.

Məhkəmənin ilkin baxış iclası avqustun 4-nə təyin edilib.

İttihama görə, Rusiya vətəndaşı Marat Ueldanov 2016-cı il iyulun 28-də Bakıda saxlanılıb.

Bundan sonra Ermənistan mediası onun erməni əsilli olduğunu açıqlayıb.

Bakı Ağır Cinayətlər Məhkəməsinin hökmü ilə Marat Ueldanov 8 il müddətinə azadlıqdan məhrum edilib. O, hökmdən apellyasiya şikayəti verib.