Bakıda silahlı şəxs yaxalandı

Bakının Xətai rayonunda silahlı şəxs tutulub.

Bu barədə Teleqraf.com-a Bakı şəhər Baş Polis İdarəsindən məlumat verilib.

Məlumata görə, Xətai rayon Polis İdarəsi 37-ci polis bölməsi əməkdaşlarının keçirdikləri əməliyyat tədbirləri nəticəsində N.Şükürov küçəsində Bakı şəhər sakini, 1973-cü il təvəllüdlü Əflatun Salmanovdan 1 ədəd “Makarov” markalı tapança, 1 ədəd daraq və 3 ədəd patron görürülüb. Əflatun Salmanov əvvəllər məhkum olunub.

Faktla bağlı cinayət işi başlanıb.

Hacı Zeynalov