Abşeronda yolu keçmək istəyən iki piyada vuruldu

Abşeron rayonunun ərazisində ağır yol nəqliyyat hadisəsi baş verib.

Bu barədə Teleqraf.com-a Abşeron rayon Polis İdarəsindən məlumat verilib.

Məlumata görə, hadisə rayonun Masazır qəsəbəsi ərazisində qeydə alınıb. Müəyyən edilməmiş avtomobillə yolu keçən qəsəbə sakinləri Gülnarə Zeynalov və Fəqan Əhmədov vurulublar. Hər iki yaralı xəstəxanaya yerləşdiriliblər.

Faktla bağlı araşdırma aparılır.

Hacı Zeynalov