Bakıda sürücünün külli miqdarda pulunu aldılar – Soyğunçuluq

Bakının Nəsimi rayonu ərazisində soyğunçuluq baş verib.

Teleqraf.com xəbər verir ki, rayon ərazisində naməlum şəxs “Leksus” markalı avtomobilin sahibinin 3400 manat pulunu güclə alıb.

Zərərçəkmiş Nəsimi rayon Polis İdarəsinin 20-ci polis bölməsinə şikayət edib. Bildirib ki, yolun kənarında maşını saxlayan zaman naməlum şəxs ona yaxınlaşıb, maşınındakı pulunu götürərək qaçıb.

Polis əməkdaşlarının əməliyyat-axtarış tədbirləri nəticəsində hadisəni törətməkdə şübhəli bilinən Astara rayon sakini Məmməd Əsgərov tutulub.