Keçmiş “zek” azadlıqda qala bilmədi – Həbs

Yevlax rayonunda narkotiklərlə bağlı əməliyyat keçirilib.

Teleqraf.com xəbər verir ki, Yevlax rayon polis şöbəsinin əməkdaşları tərəfindən keçirilən əməliyyat nəticəsində Havarlı kənd sakini Cəlal Qəhrəmanov həbs edilib.

Onun evinə baxış zamanı 265,58 qram marixuana, habelə həyətyanı sahəsindən kultivasiya yolu ilə yetişdirilmiş 19 ədəd çətənə kolu aşkar edilib.

Cəlal Qəhrəmanovun əvvəllər məhkumluq həyatı yaşadığı məlum olub.