Əmircanlını tanışı qətlə yetirdi

Bakının Suraxanı rayonunda qətl hadisəsi baş verib.

Teleqraf.com xəbər verir ki, Əmircan qəsəbəsində 1965-ci il təvəllüdlü Zahir Hacıağayev bıçaqlanaraq öldürülüb.

Onu 1981-ci il təvəllüdlü tanışı Sadiq Nemətov mübahisə zamanı bıçaqla qətlə yetirib.

Zahir Hacıağayev əvvəllər məhkum olunub.

Polis və prokurorluq orqanları əməkdaşları tərəfindən keçirilən istintaq və əməliyyat-axtarış tədbirləri nəticəsində hadisəni münaqişə zəminində törətməkdə şübhəli bilinən Sadiq Nəhmətov tutulub.

Faktla bağlı Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.