Quş oğrusu tutuldu – Cinayət

Sumqayıt şəhəri ərazisində oğurluq və dələduzluq cinayətləri baş verib.

Teleqraf.com xəbər verir ki, Sumqayıt şəhər Polis İdarəsinin keçirdiyi əməliyyat nəticəsində şəhər ərazisindəki mağazalardan birindən oğurluq etməkdə şübhəli bilinən Corat qəsəbə sakini Səxavət Hüseynov tutulub.

Müəyyən edilib ki, o, mağazadan 87 manat oğurlayıb. Onun şəhər ərazisindəki həyətlərdən birindən 34 ev quşu, bir evdən məişət əşyaları oğurlaması, habelə bir nəfərə qarşı dələduzluq etməsi də müəyyən edilib.
İstintaq araşdırması zamanı Səxavət Hüseynovun əvvəllər məhkum olunduğu məlum olub.

Faktla bağlı cinayət işi başlanıb.