“JEK” işçisinin başını kəsdilər - Meyitini əri tapdı

Sumqayıtda 58 yaşlı qadın qətlə yetirilib. Hadisə ötən axşam şəhərin birləşmiş məhəllə ərazisində baş verib.

Mәnzilə daxil olan şəxs və ya şəxslər əvvəlcə kəsici-deşici alətlərlə Nuridə Həsənovanın bədəninin müxtəlif nahiyələrinə zərbələr endiriblər. Daha sonra isə başını kəsiblər.

Qadının meyitini həyat yoldaşı aşkar edib. Qətli törədən şəxs və ya şəxslərin tapılaraq istintaqa təhvil verilməsi istiqamətində əməliyyat-axtarış tədbirləri davam etdirilir.

Faktla bağlı araşdırmalar aparılır.

Qeyd edək ki, qətlə yetirilən Nuridə Həsənovanın Sumqayıtda Mənzil İstismar Sahəsində (“JEK”) çalışdığı bildirilir.