Mənzillərin qənimi olan daha bir “zek” - Saxlandı

Bakının Nəsimi rayonunda evdən oğurluq olub.

Teleqraf.com xəbər verir ki, oğurluqda şübhəli bilinən Emil Şirinovun ətrafında Nəsimi rayon Polis İdarəsinin 19-cu polis bölməsində araşdırma aparılıb.

Onun sentyabrın 4-də rayon ərazisindəki evlərin birindən 200 manat pul və 9000 manat dəyərində qızıl əşyalar oğurlaması müəyyən edilib.

Qeyd edək ki, Abşeron rayon sakini Emil Şirinov bu il oktyabrın 21-də həbs edilib. O, oktyabrın 16-da Nəsimi rayon ərazisindəki evlərdən birindən 1800 manat və qızıl əşyalar oğurlamaqda şübhəli bilinib.

İstintaq araşdırması zamanı məlum olub ki, Emil Şirinov əvvəllər məhkum olunub.